أفيش

الفن بطريقتنا

أحمد السبكي: إبراهيم الأبيض أعنف من عبده موتة ومحمد رمضان مش قليل الأصل

مايو 3, 2020 4:40 م -- ستوري

أدلى المنتج أحمد السبكي ببعض التصريحات الجريئة في برنامج “شيخ الحارة” مع إيناس الدغيدي على قناة القاهرة والناس. 

كانت أبرزها:

السبكي لا علاقة له بالبلطجة من قريب أو من بعيد

قال السبكي: “الأفلام الي فيها رقاصات مبتكسبش، وبعملها لجمهور وسط البلد.. وفي منتجين حاولوا يقلدوني و معرفوش، لأني معايا خلطة صناعة الأفلام دي”.

وأضاف: “الأفلام دي بتشتغل أول أسبوع بس في العيد علشان تغطي تكلفتها، لأن الفيلم بيتعمل في ١٠ أو ١٢ يوم، والأفلام دي زي الأفراح الشعبية”

وعن اتهامه بأنه سبب في ظهور البلطجة قال: “إبراهيم الأبيض كان أكثر عنفا من عبده موتة، لكن محدش انتقده لإنه إخراج مروان حامد”

نفى المنتج أحمد السبكي أنه اقتحم موقع صدى البلد قائلا: “متهجمتش على حد في موقع صدى البلد، والموضوع دة انا اتظلمت فيه واتهمت عن طريق الإعلام إني بلطجي، ودة مش حقيقي”.

محمد سعد “متنططش عليا” بعد اللمبي.. السبكي ينفي

نفى السبكي أن محمد سعد تركه بعد فيلم “اللمبي” و مضى مع شركة إنتاج أخرى لأنها دفعت له أجرا أكبر، قائلا:” كل النجوم الي طلعت معايا تتمنى تشتغل معايا تاني، لكن النجم أما بينجح سكاكينه بتكتر، وكل المنتجين يجروا وراه. محمد سعد لما مضى مع شركة تانية في فيلم الي بالي بالك انا كنت شريك”.

وقال السبكي: “محمد رمضان مش قليل الأصل، ولو طلبته في أي وقت هيجيلي، لأنه ابني، وظروف الشغل خلته يكون مع حد تاني، وأنا أول من رفعت أجره”.

Facebook Comments
منة محي

Author: منة محي

2 thoughts on “أحمد السبكي: إبراهيم الأبيض أعنف من عبده موتة ومحمد رمضان مش قليل الأصل

Comments are closed.