أفيش

الفن بطريقتنا

نور نجل هشام سليم المتحول جنسيا: كنت بفكر في الانتحار

مايو 5, 2020 8:54 م -- تريندي

تحدث نور هشام سليم ، نجل الفنان هشام سليم المتحول جنسيا من أنثى لذكر، عن قصة تحوله، قائلا: “أنا كنت حاسس دايما إني لوحدي محدش فاهمني، خاصة هنا في مصر، خاصة إني عمري ما قابلت حد زيي”.

ماذا قال نور هشام سليم عن أزمته؟

نور الذي كان اسمه نورا عمره الآن 26 عاما، قال: “هو أول مرة أفكر في الموضوع كنت صغير، ومش فاهم الموضوع، وأنا قعدت 18 سنة لحد ما قررت أعمل حاجة، وأول مرة أتكلم مع حد كان على النت، لأن محدش فاهمني من اللى حواليا”.

وتابع خلال بث مباشر له مع والده في برنامج “جعفر توك” على قناة “دويتش فيله”: “كان فيه أوقات كتير بفكر فيها في الانتحار، مكنتش حاسس إني بني آدم طبيعي، ولا كنت هعيش حياتي، ومكنتش شايف مستقبل لنفسي أو أتزوج، وكانت حالتي صعبة جدا”.

وعن مصارحته لوالده ووالدته لأول مرة، قال إنه تأخر في إخبارهم بالأمر لأنه لم يكن متأكدا من الحل، متابعا: “اللحظة اللى قولت فيها لوالدي إني دلوقت نور، كانت أصعب لحظة، وبالتالي أنا ميهمنيش أي حد يقبلني غير إخواتي وأمي وأبويا، وهما واقفين ورايا”.

وأضاف: “أنا مقدرش حد إنه هو صح أو غلط، كل واحد عليه إنه يحترمني”.

هشام سليم يتحدث عن تجربته مع ابنه

وبشأن ذلك قال الفنان هشام سليم: “أنا كنت حاسس من زمان إنه هو ولد، ومستغربتش قراره، لأنه وهو صغير كنت أوديه محل الألعاب، بدل ما يشتري عروسة كان يشتري مسدسات وألعاب أولاد، ولما كنت بقوله يا بنت وهو صغير، يقولي لا أنا ولد”.

وقال لابنه: “لازم يا نور تبقى قوي وتتحمل اللى هيحصل معاك الفترة الجاية، وأتمنى له أن يقف على رجليه من جديد، أما اللى هيرفضوه أنا مقدرش أفرض عليهم شيء، وأرجو إن الناس تتفاهم هذا الموضوع، وإن منبقاش عقبة في حياة الناس اللى كده، طول كمان هما مبيأذوناش”.

اقرأ المزيد: قصة هشام سليم وابنته المتحولة جنسيا وسر خلافه مع ياسمين عبد العزيز حتى الآن

Facebook Comments