أفيش

الفن بطريقتنا

عبير صبري تعتزل البوس في الأفلام: لقيت راجل يشكمني وبرعش منه

مايو 7, 2020 4:49 م -- تريندي

استضافت المخرجة إيناس الدغيدي الفنانة عبير صبري في برنامج “شيخ الحارة” على قناة “القاهرة و الناس”، أدلت “عبير” ببعض التصريحات الجريئة كانت أبرزها: “أنا معملتش أدوار إغراء، وبعتمد على أنوثتي في التمثيل”.

أكدت الفنانة عبير صبري أنها لا تقدم أدوار إغراء قائلة: “أنا مش بقدم أدوار إغراء، لكن أنا شايفة إني بنت جميلة، ودة جزء من أدواتي كممثلة.. بعتمد على أنوثتي في التمثيل، ومش ندمانة على أي دور عملته”.

عبير صبري تؤكد: ببوس جوزي قدام الناس علشان فرحانة بيه

قالت إنها لا تقلد رانيا يوسف التي تتعمد أن تظهر بفساتين جريئة على السجادة الحمراء، لتركب “التريند” قائلة: “أنا مش بقلد حد وفي فرق كبير بيني وبين رانيا يوسف.. أنا ببوس جوزي حلال قدام الناس، وبعمل دة علشان بحبه وفرحانة بيه، صورتي وأنا ببوسه كانت تريند، لكنه تريند حلال”.

وتابعت: “لم أخضع لعمليات التجميل، أنا لا بشد و لا بنفخ، لأني لسة صغيرة وبقالي عشرين سنة بنفس الشكل. تقدروا تقارنوا شكلي من أول ما ظهرت بدلوقتي مش هتلاقوا أي اختلاف، ومش عيب إني أعمل عملية تجميل وأنا حرة، لكن أنا لسة قمر مش محتاجة عمليات”.

 وأكدت عبير أنها لا تقبل الأدوار الجريئة التي يكون بها قبلات قائلة: “البوس في الأفلام حرام، وقبلت مشاهد فيها قبلات زمان بأمر من المخرج لإني كنت صغيرة، دلوقتي مقدرش أعمل الأدوار دي لإنها ضد قناعاتي، وعلشان اتجوزت ولقيت راجل يشكمني، جوزي مسيطر وله تركيبة مبقتش موجودة دلوقتي، وحقه إنه يغير عليا”.

اقرأ المزيد إيناس الدغيدي تسخر من غناء حمو بيكا : “ربنا ينجينا منك يا حمو”

قالت: “مش بخاف من جوزي، ده أنا برعش منه لإنه عصبي وخلقه ضيق، ورديت عليه في برنامج و أنا على الهوا في دبي لأني خوفت من عصبيته. جوزي بيرفض إني أعمل لايك لأي ممثل على الانستجرام لأنه بيغير عليا، ودة حقه”.

وأضافت: “جوزي عصبي ومسيطر، ومتحكم، بس أنا بحبه، وراضية”، متابعة: “أحمد ذكي كان بيعاكسني، و الزعيم قالي خدودك شبه سهير رمزي وزكي كان يقول إني شبه ميرفت أمين”. 

 

Facebook Comments
منة محي

Author: منة محي