أفيش

الفن بطريقتنا

عمر كمال عن حسن شاكوش: أصفر من جواه وبـ100 وش

مايو 11, 2020 2:18 م -- تريندي

استضافت إيناس الدغيدي المطرب عمر كمال في برنامج “شيخ الحارة” على قناة “القاهرة والناس”، حيث أدلى ببعض التصريحات الجريئة عن حياته الشخصية والفنية.

قال: “مشكلتي مع شاكوش سببها إنه مش سالك من جواه للي حواليه، وبـ١٠٠ وش، مشكلتي مش مادية، وأنا مبحبش شغل النفاق والصفار بتاعه”.

وتابع: “أنا وشاكوش بنتكلم، لكن الي في القلب في القلب، ومأخدتش منه فلوس أغنية “بنت الجيران” لأني متفقتش معاه على فلوس، وأنا راجل وقد كلمتي”.

اقرأ المزيد: حسن شاكوش يحرج محمد منير على الهواء ويسب الراقصة سلمى: “مش بنت ناس”

أضاف: “حسن شاكوش كلمني اعتذرلي بعد حلقة “شيخ الحارة” لكن أنا مقبلتش اعتذاره، مينفعش تشتمني في شارع وتعتذرلي في حارة “.

وتابع: “كنت عاوز أخطب وأنا لسة كحيان لكن موافقتش، وعمري ما كنت بخيل مع الستات، كنت بحب إنسانة جدا، وكانت كل حياتي، روحت اتقدمتلها وأنا لسة على باب الله”.

عمر كمال وخذلان من فتاة أحبها

أكمل: “اختارت شبكة كان تمنها ٦٠٠٠ جنيه، وأنا كان معايا ٢٠٠٠ بس. الراجل قالها بكرة يجيبلك الدنيا كلها وأنتم لسة بتبدأوا حياتكم، هي ساعتها اعترضت وقالتله ليه أنا مش منقية حاجة تقيلة، طبعا جرحتني جدا وخلت منظري وحش قدام نفسي. بعدها قولت مش هينفع تعيش معايا ع الحلوة والمرة”.

وأردف: “مفيش ست بتصرف عليا، وإحنا كلنا على باب الله، مفيش واحدة بتصرف عليا. دي كانت واحدة بحبها ومحصلش نصيب بينا، وعمرها ما ساعدتني إني أعمل إقامة في الإمارات”.

أضاف: “عبد الباسط حمودة قالي خليك بجح مع البجح، وأنا بدافع عن تعبي ونجاحي إلى “شاكوش” عاوز ياكله عليا”، تابع: “أنا الي ساعدت شاكوش إنه يعمل إقامة في الإمارات قبل بنت الجيران، وأنا مش منفسن منه”.

Facebook Comments
منة محي

Author: منة محي

One thought on “عمر كمال عن حسن شاكوش: أصفر من جواه وبـ100 وش

Comments are closed.