أفيش

الفن بطريقتنا

تامر أمين يواجه إيناس الدغيدي في شيخ الحارة: إنتي أسوأ من كورونا ومفيش رقاصة محترمة

مايو 14, 2020 1:10 م -- بره الكادر

استضافت المخرجة إيناس الدغيدي الإعلامي تامر أمين في برنامج “شيخ الحارة والجريئة” على قناة “القاهرة والناس”، أدلى تامر أمين ببعض التصريحات

صرح الإعلامي تامر أمين أن أيمن نور كان من أقرب أصدقائه قبل ثورة ٢٠١١ قائلا: “مشكلتي معه إنه رمى نفسه في حضن الإخوان، بشوف إنه حد مختلف وعنده طريقة مختلفة للكلام في السياسة، وكنت منبهر بيه لأنه شاب صغير ومنور وقتها”.

أضاف: “بعد ثورة ٢٠١١ ابتديت ألاحظ تغير في سلوكه، ولقيته مقرب أوي ورامي نفسه في حضن الإخوان، وراح يحضر اجتماعات محمد مرسي الي كانت في الاتحادية، قلقت وقتها وحسيت إن مش دة أيمن نور اللي أنا أعرفه”.

تابع: “كانت الصدمة الكبرى بعد ثورة يوليو ٢٠١٣، اتفاجئت إن أيمن نور سافر وهرب، لما روحت لبنان سألته إنت هربت ليه قالي أنا عندي مشاكل في التفكير دلوقتي ومحتاج إجازة لمراجعة النفس، وواضح إنه قرر يروح للنجاح السهل علشان يعمل فلوس مقابل إنه ينفذ ما يطلب منه”.

تامر أمين لا يحب الحال المايل: “مفيش حاجة اسمها رقاصة محترمة”

قال: “أنا مبحبش الحال المايل والغلط، مفيش حاجة اسمها رقاصة محترمة”، جاء هذا التصريح تعليقا على سهره في أماكن بها راقصات قائلا: “كنت موجود في مكان سهر، سيدة محترمة جت جمبي وقالتلي طب ما إنت بتسهر زينا أهو، أومال ليه عامل فيها شيخ؟ “. كان ردي عليها: “قولتلها يا استاذة أنا عمري ما قولت إني شيخ، ولا عمري قولت إني مبسهرش، أنا كائن طبيعي بسهر وبنبسط.. بس أزعم إني بحاول معملش حاجة غلط”.

أضاف: “رأيى في مهنة الرقص لا يعني إني أبطل أسهر وانبسط، أنا مبحبش مهنة الرقص، وأزعم إني مؤمن”.

نفى تامر أمين أن انتقاده الدائم لمحمد رمضان يسنفز به جمهوره ليزيد عدد متابعيه قائلا: “محمد رمضان عنده كنز وثروة بيضيعها بإيده، وانتقادي له استخسار لموهبته اللي بيضيعها”.

استكمل: “محمد رمضان بيقدم شكل جديد وهو الشكل الاستعراضي، لكن دة مش معناه إنه يقلع”. قال أيضا:”بمنع بناتي إنهم يتفرجوا على محمد رمضان وهو قالع، ومبحبش أتفرج على جسم واحد بيتلوى”.

ياسمين الخطيب عجبني شكلها فجبتها معايا البرنامج

وعن سر اصطحابه لياسمين الخطيب في برنامجها، قالت: “ياسمين الخطيب كانت تجربة..عجبني شكلها وطريقة تفكيرها علق تامر أمين عن علاقته، قابلتها من خمس سنين في حفلة عامة.. وكانت ساعتها بتقول إنها فنانة تشكيلية”.

أضاف “عجبني ساعتها شكلها وطريقة تفكيرها.. قولتلها تعالى قدمي معايا فقرة اسمها “آدم وحوا” في برنامج “من الآخر” على روتانا، مقدرتش أخدها معايا برنامج الحياة اليوم لأنه كان فورمات مقفولة، ولما اتنقلت قناة النهار اقترحت عليهم إني أقدم فقرة مع ياسمين الخطيب تاني”.

أما عن هجومه على يوسف زيدان، فقال: “هاجمت يوسف زيدان على فتوى الصيام وكورونا لأنه بيضلل الجمهور قال تامر أمين إنه هاجم يوسف زيدان لأنه يضلل الجمهور عندما يفتي في أمور دينية”.

أمين عن يوسف زيدان: يفتي فيما لا يعلم

تابع: “هاجمت يوسف زيدان على فتوى الصيام علشان لا يفتى ومالك في المدينة، والمقصود بمالك هنا دار الإفتاء والأزهرالشريف”.

أضاف: “تصريحات يوسف زيدان لا تعتبر رأي لأنه مينفعش حد يطلع يقول صلاة الظهر خمس ركعات”.

تابع “ليس من حقه أن يفتي فيما لا يعلم، والاجتهاد في دة بيكون لأهل الطب، ومجمع البحوث الإسلامية الي أجمعوا إن الصوم تصح به الأبدان ولا يضر الأبدان”.

كما قال “لما انتقدت يوسف زيدان قولت إنه رجل مثقف..وقارئ.. ومفكر له احترامه، لكن ليس مطلوبا أن يفتي في مجال غير تخصصه ويحدث بلبلة للناس “.

أضاف “قياسه خاطئ فيما يخص الطاعون الذي ضرب الناس في عام الرمادة و فتوى عمر بن الخطاب بعدم الصيام، لأن وقتها الناس كانت مشكلتها إنها في مجاعة، ومينفعش واحد في مجاعة أقوله صوم لكن الوضع مختلف تمامآ في حالة فيروس كورونا”، وحين سألته إيناس عن: “من هو الأسوأ من كورونا”، قال لها: “إنتي لأن أفكارك مسمومة وتدمر المجتمع”.

Facebook Comments
منة محي

Author: منة محي

One thought on “تامر أمين يواجه إيناس الدغيدي في شيخ الحارة: إنتي أسوأ من كورونا ومفيش رقاصة محترمة

Comments are closed.