أفيش

الفن بطريقتنا

خالد يوسف ويوسف شاهين .. من شابه أباه فما ظلم

يوليو 2, 2020 8:29 ص -- بره الكادر, بورتفوليو

خالد يوسف ويوسف شاهين
أنا ببص لـ خالد يوسف بنظرة مختلفة.. نظرة فيها فهم لطبيعة شخصيته.. وتكوينه الإنساني.. اللى خلاه في النهاية النموذج اللى إحنا شايفينه قدامنا دلوقت.

الحقيقة خالد لا هو بطل زي ما هو متصور.. ولا هو شيطان.. خالد مريض ومرضه في ماضيه.. اللى مش قادر يتخلص منه.. حتى الآن.

لو بصينا لبدايات خالد.. هنلاقيه شاب من الفلاحين.. منفصل عن العالم.. خاصة كمان إنه كان طالب متفوق ميعرفش حاجة إلا الكتاب والانكباب على المذاكرة.. وفعلا دخل كلية الهندسة.. ولأنه من صغره عنده رغبة في الإحساس بنفسه المهمشة والمعدومة.. باعتباره قادم من الريف لصخب المدينة.. انضم لكيان طلابي وأصبح مناضلا صاحب صوت ورأي.. متشاف ومسموع.. وده كافي لإرضاء ذاته الغير متزنة.

في اللحظة اللى هو بيحاول يبقى حاجة.. مشهور.. مسموع.. كل الناس بتشاور عليه.. لقطه يوسف شاهين لما كان رايح يعمل ندوة في كلية هندسة.. والحقيقة القصة دى غريبة جدا واللى حكاها أحد المقربين من شاهين نفسه.

اقرأ أيضًا:

عندما قال أحمد رمزي ليوسف شاهين “يا أخي أنا بكرهك بشكل متتخيلوش”

سر علاقة خالد يوسف بيوسف شاهين

المخرجان خالد يوسف ويوسف شاهين

يعنى إيه اللى يخلى مخرج مشهور جدا رايح يعمل ندوة في جامعة.. بينظمها اتحاد طلابي.. ياخد الطالب ده ويرشقه جنبه بين يوم وليلة في البلاتوهات وهو لا علاقة له بالسينما من قريب أو بعيد.. خاصة وإن خالد نفسه في أحد لقاءاته التلفزيونية.. قال إنه من صغره مكانش مرتبط بالسينما ولا كان يتخيل إنه يبقى مخرج في يوم من الأيام!.. وأنه وقتها كان مش مشاهد حتى لأفلام يوسف شاهين!.

الأقاويل ترددت بإن شاهين تبنى خالد يوسف لأسباب حساسة جدا.. خاصة وإن شاهين كان معروف أنه مزدوج الميول الجنسية أو bisexuality .

وأظن إن صعود خالد بالطريقة دى.. خلاه منحرف في كل اتجاهاته وإن بدا للناس رصينا.. لكن يظل بداخله شرخ.. شعور بالخزي وهو ما يسبب له سلوك جنسي منحرف.

يوسف شاهين وخالد يوسف

وده اللى بنشوفه في حالة خالد يوسف.. بتعدد علاقاته الجنسية.. وابتزازه للفتيات مقابل حلم التمثيل في أفلامه.. وهوسه بتصوريهن خلال العلاقة.

وده مش كلامى.. ده كلام خبراء علوم النفس عن المصابين بالشره الجنسي.. وخالد مش مجرد واحد متعدد العلاقات النسائية.. لكن يمكن وضعه في إطار المصابين بمرض الشره الجنسي.. erotomania .

والمرض ده يخلينا نفسر تعمده في تصوير ضحاياه.. وأنا قاصد جدا كلمة ضحاياه.. خاصة بعد الكلام اللى اتردد مؤخرا بعد التحقيقات مع منى فاروق وشيما الحاج عن وجود اكتر من 230 مقطع آخر مع 200 فنانة.. ! ده أكيد حد مش طبيعي.. خالص.

اشترك بقناتنا على اليوتيوب: من هنا

Facebook Comments

One thought on “خالد يوسف ويوسف شاهين .. من شابه أباه فما ظلم

Comments are closed.