أفيش

الفن بطريقتنا

شاهد سلمى أبو ضيف : طبيب وسائق الباص تحرشا بي وأنا طفلة

يوليو 6, 2020 10:36 م -- تريندي

تجربة سلمى أبو ضيف مع التحرش
نشرت سلمى أبو ضيف مؤخرًا مقطع فيديو شاركت به في حملة مناهضة التحرش، التي بدأت بالتزامن مع ترند أحمد بسام زكي ، الذي ادعى عدد مهول من الفتيات على منصات السوشيال ميديا تحرشه بهن.

وقالت سلمى أبو ضيف، خلال الفيديو: أنا طالعة أتكلم عن الموضوع ده لأنه يهمني ويهم كل بنت مصرية، خاصة إن مافيش واحدة أعرفها إلا وتعرضت للتحرش، وسمعت من بنات كتير حكايات ماقدرتش أصدقها، ده غير تجاربي الشخصية اللي مريت بيها”.

تجربة سلمى أبو ضيف مع التحرش في طفولتها

وتابعت: “وأنا طفلة صغيرة مثلا دكتور تحرش بي بالاقتراب مني وإمساكي بطريقة غير مريحة، وساعتها قلت لماما وماروحتلوش تاني”.

وروت سلمى موقف ثان: “سواق باص المدرسة أيضًا تحرش بي بوضع يده على رجلى بطريقة مش لطيفة، والمشكلة الواحدة وهي صغيرة لما تتحط في المواقف دي مابتعرفش تتصرف خالص”.

وأضافت: “نصيحتي للأهالي تبنوا جسور الثقة بينها وبين أولادها عشان مايخافوش يحكولهم المواقف اللي بيتعرضولها زي كده”

واختتمت: “غالبية بنات مصر جواهم حالة خوف وغضب من الرجالة بشكل عام، لما واحد بيقرب مني في الشارع وممكن يكون عايز يسأل على حاجة بترعب منه وبأجري وببقى ماشية ببص يمين وشمال.. حتى وأنا سايقة العربية وقصادي عربية نص نقل فيها رجالة بيبصوا عليا ببقى عايزة الأرض تتشق وتبلعني وممكن أعمل حادثة عشان أعرف أبعد عن عيونهم”

ووجهت سلمى رسالة أخيرة للرجال: ” كونك راج لده مايدكش حق إنك تتعرض لي في الشارع أو ترسل لي صور غير لائقة على حسابات السوشيال ميديا.. وأخيرا علموا بناتكم التحدث دون خوف، والتصدي بشجاعة لأي متحرش كان”.

وسلمى أبو ضيف، هي عارضة أزياء وممثلة شابة (26 سنة)، شاركت في جلسات تصوير دعائية لعلامات تجارية عالمية، وبطولة فيلم الشيخ جاكسون، وعددًا من الأعمال الدرامية: حتى لا تطفئ الشمس مع ميرفت أمين، لدينا أقوال أخرى مع يسرا، وحدوتة مرة مع غادة عبد الرازق.

اقرأ أيضًا:

مايان السيد بالدموع لـ أحمد بسام زكي: بكرهك أنت وأهلك.. تعرضت للتحرش 3 مرات

اشترك بقناتنا على اليوتيوب: من هنا

 

Facebook Comments