أفيش

الفن بطريقتنا

الطيار أبو اليسر لـ محمد رمضان: هحبسك وهاخد منك تعويض 25 مليون

يوليو 17, 2020 4:28 م -- تريندي

مازالت الأزمة قائمة في واقعة الطيار أبو اليسر والفنان محمد رمضان حيث صدر قرار في قضية من القضايا بحبس محمد رمضان لمدة سنة.

وتحدث الطيار أشرف أبو اليسر عن هذه الأزمة بعد صدور القرار: كنت بحاول أقعد مع محمد رمضان قعدة رجالة لكنه كان بيراوغ بشكل غريب، وفي البداية فوجئت أنه بيقول كلام كدب وطلع قال للناس أني طلبت منه فلوس، وده كلام كدب.

وأكمل حديثه خلال جريدة الدستور: محمد رمضان كان عايز يسفرني برا أشتغل طيار، وده دليل أنه مش فاهم حاجة يعني أنا رخصتي اتسحبت وأنت تيجي تقولي تشتغل برا، لكن بالنسبة للتعويض هو مجابش سيرة فلوس نهائي.

ووضح الطيار أن المحامي الخاص به رفع 3 قضايا واحدة تقضي بحبسه والثانية والثالثة تقضي بدفعه تعويض 25 مليون جنيه، الأولى اتحكم فيها ومنتظر القضايا المتبقية.

وأكد أنه لن يتنازل عن جزء من حقه، وأن “رمضان” هو السبب أن الأمور توصل لما نحن عليه، وهو كان عايز يعمل أي حاجة إلا أنه يديني حقي وللأسف متواصلش معايا ولا مرة واحدة، وكان بيطلع في الإعلام يقول كلام عشان يعمل شو إعلامي وخلاص ولكن اللي كان بيقوله عكس اللي بيعمله نهائي.

وعبر عن أسفه من موقف الفنان محمد رمضان: أنا روحتله لحد مكتبه لكن ملقتهوش، وبسبب كده أنا مش هقعد معاه نهائي أنا سايب الموضوع للمحامين وللقضاءـ وفي ناس كتير بتهاجمني وده طبيعي لأنه هو نجم وليه جمهور اللي بيحبوه، لكن لو الموضوع اتفهم صح الهجوم هيتحول من عليا لـ عليه.

وأكد خلال حواره: مش هسكت إلا لما يتحبس وأخد حقي كاملا منه.

اقرأ أيضا..

محمد رمضان ولعنة أحمد زكي.. لماذا يرفضه الجمهور؟

وقد قضت المحكمة بحبس محمد رمضان على خلفية أزمته في واقعة الطيار، وعلق “رمضان” وقال لجمهوره: اطمنوا ده حكم ابتدائي متقلقوش، واعتبر البعض أنه يقلل من شأن القضية ومن شأن الحكم الذي تم اتخاذه ضده.

وتعود القصة لوقت طويل حين نشر الفنان محمد رمضان فيديو له وهو يجلس بجوار كابتن الطائرة وهو ما يمنعه قانون الطيران وبناءا عليه تم إيقاف الطيار وتم سحب رخصته ومنعه من الطيران نهائيا.

Facebook Comments