أفيش

الفن بطريقتنا

وحيد حامد: لما نقدم فن ونقول الناس عايزه كده اعرفوا إننا في زمن هابط “فيديو”

سبتمبر 17, 2020 11:59 ص -- ستوري

كشف الكاتب الكبير وحيد حامد عن الأزمة المتواجدة حاليا في الدراما والسينما المصرية، وقال أن كل ما يقدم تحت مسمى الفن ليس أغلبه يكون فن حقيقي وإنما مجرد محاولة للتربح والمكسب.

وأضاف خلال مداخلة تليفونية في برنامج”آخر النهار”: صناع العمل لازم يعرفوا إن كل حاجة لازم تكون بحساب والمشهد السيء يمكن أن يكون مشهد مفيد لو تم كتابته وإخراجه بشكل صحيح وهادف.

واستنكر”حامد” ما يحدث داخل العمل الدرامي خاصة الحوار: مينفعش نتكلم بلغة الشارع ونقول أصل دي الحقيقة، لو لغة الناس في العصر اللي بنعيشة لغة منحطة، يبقى لازم الفن يرتقي بها، ولو صورنا اللي بيشرب مخدرات وهو منتشي وسعيد يبقى إحنا كده بنشارك في هدم المجتمع.

وأكمل حديثه قائلا: نفس الشخص اللي ممكن أخليه يحب قعدة الغرز والخمارات، لو جبتله مشهد للراجل اللي بيعمل كده وهو بيكح ومش قادر ياخد نفسه، هينفر من الفعل ده وكده يبقى عالجت الغلط مش ساعدت عليه.

اقرأ أيضا.. وحيد حامد كما لم تعرفه من قبل: أعمالي أزعجت كل السلطات الدينية والسياسية والأمنية

وحيد حامد ليوسف الشريف: “لو مش عاجبك التمثيل اتفضل مع السلامة”

وحيد حامد ومصير”الجماعة3″

واختتم حديثه عن أعماله القادمة وصرح أنه حاليا يعكف على كتابة الجزء الثالث من مسلسل”الجماعة”، وقال: فترة السبعينيات هي التي أتت إلينا بالجماعات الإسلامية المتشددة التي هبطت بالمجتمع وأرعبت الناس.

Facebook Comments