أفيش

الفن بطريقتنا

رضا حامد: عادل إمام قطع عيشي لما كلت منه الجو

أكتوبر 13, 2020 5:45 م -- ستوري

تحدث الفنان رضا حامد عن بدايته في التمثيل وعشقه لخشبة المسرح، وذكر أن بداياته كانت مع النجم عادل إمام من خلال المسرح قبل أن يختاره ليكون معه في أحد أفلامه.

وكان”حامد” ينتظر فرصة للظهور سينمائيا مع نجم فنان كبير بحجم عادل إمام، ويحكي أنه بالفعل أتيحت له الفرصة والانطلاقة من خلال فيلم أمير الظلام.

وقال رضا حامد: ظهرت في الفيلم بشكل كويس جدا، وكل النقاد وقتها كتبوا عني كويس، وكنت مبسوط وسعيد جدا بالدور.

وأكمل حديثه: أحد المقربين من عادل إمام قالي طالما نورت وظهرت كويس معاه، انسى انه يجيبك في فيلم معاه تاني، رديت قولتله انت كداب، مستحيل فنان بحجم عادل إمام يفكر كده.

وأضاف: كنا في المسرح ولقيت أستاذ عادل قاعد لوحده فسألته، حضرتك بتحضر لفيلم جديد؟ عشان نفسي أكون معاك تاني بدور أكبر وأحسن من اللي فات، قالي بالحرف: لا خلاص يا حبيبي أنا عملت اللي عليا وقدمتك خلاص، شوف حالك بعيد عني.

90 دقيقة | رضا حامد: عادل إمام بعد أمير الظلام قاللي شوف حالك بعيد عني

Posted by Mehwar TV on Monday, 12 October 2020

وصف رضا حامد شعوره بعد سماعه هذه الكلمات بالصدمة، وقال: مكنتش مصدق نفسي من اللي سمعته، ووقتها صدقت الشخص اللي قالي إن عادل إمام مش هيجيبك تاني.

كسف ساهم عادل إمام من طرده من المسرح أيضا؟

أكد رضا حامد أنه بعد هذه الفترة قرر أن يفعل كل ما بوسعه ليظهر بأداء مميز من خلال المسرحية التي يعمل بها مع عادل إمام، وقال: بقيت بعمل كل حاجة عشان أقدم كوميديا حقيقية مع تمثيل وأداء كويس، وبالفعل قدرت أعمل كده والجمهور كان بيتفاعل معايا بشكل كبير لدرجة انهم كانوا بيحيوني أكتر من نجوم كبار موجودين معانا.

اقرأ أيضا.. عقدة أحمد زكي من عادل إمام وسعيد صالح: كانوا بيتريقوا عليا وبيستغلوا طيبتي

في حوار نادر.. عادل إمام: أمقت تقعير المثقفين وهذا سبب رفضي العمل مع يوسف شاهين

واختتم حديثه: فوجئت بعدها إن إدارة المسرح بيبلغوني إني مش موجود خلاص معاهم، ومشيت فعلا وسبت المسرحية من غير ما أعمل أي مشكلة ولا أعرف ايه السبب.

Facebook Comments

2 thoughts on “رضا حامد: عادل إمام قطع عيشي لما كلت منه الجو

Comments are closed.