توب 10

مراجعة فيلم الأب الخباز.. 10 رسائل عن سر العشق في الصوفية

مراجعة وقصة فيلم الأب الخباز سر العشق
فيلم الأب الخباز سر العشق عن قصة حياة عالم صوفي مسلم اسمه حميد الدين أقصراي عاش في القرن الثامن الهجري، سخر حياته في الترحال بحثًا عن سر العشق.
 
سر العشق اللي يبدو كسؤال واسع وعام عن حاجة هلامية مالهاش تعريف محدد متفق عليه .. اللي هو أنهي عشق .. الحبيبة.. ولا الحياة.. ولا الله.. ولا النفس؟

10 دروس من فيلم الأب الخباز سر العشق

 
والفيلم بيحاول يفسر هذا السر بشوية علامات على طريق «السالك» بتعبير الصوفية، أو الدرويش بتعبيرنا زي مثلا:
 
1- الباحثون هم الواجدون: وهي حقيقة بسيطة بنغفل عنها بفعل السأم من مواصلة عملية البحث المضنية اللي بتنتهي كثيرًا بالاستسلام، متجاهلين حقيقة إن “اللي بيدور يلاقي”
 
2- اعرف ما تبحث عنه أولًا: كتير منّا بيفني عمره بحثًا عن معنى للحياة دون جدوى، وده بيرجع لمشكلة بسيطة إنه مش واضع بالأساس تعريف محدد وواضح للمعنى اللي بيبحث عنه، ولذلك مهما بحث مش هيلاقي ما يرضيه
 
3- اعرف نفسك أولًا: بطل الفيلم حميد الدين، كان غايته معرفة سر العشق الإلهي، وفي خضم رحلته عرف إن ده يتطلب بالضرورة معرفة نفسه أولًا بالإجابة الصعبة على سؤال سهل: أنا مين.. وجاي أعمل إيه في الحياة؟
 
4- النفس هي العائق: حميد بعد ما عرف نفسه قرر يتجاوزها للوصول لغايته، وده تقريبا الرسالة الأساسية في كل التعاليم الدينية وحتى كتب التنمية البشرية، اللي بتدعو إنك تقود نفسك وغرائزها بدلا من أن تنقاد لها أو زي ما بيقال في المسيحية: انتصر على نفسك ينهزم لك العالم
 
5- العشق الدنيوي ليس عائقًا: الفيلم بيقدم الصوفية كعالم رحب بيتسوعب حب الأنثى والموسيقى والجمال في المطلق بعيدًا عن التشدد والرهبنة واعتزال الخلق والحياة برمتها
أروع مشهد فيلم الأب الخباز
 
6- سر الحياة في كسرة الخبز: حميد الدين في الأساس ماكانش عالم عصره ولكنه أصبح حكيم زمانه باكتساب الحكمة اللي استشف بها سر الحياة من عمله البسيط كـ “خباز” عشان يوصل إن الإنسان كرغيف الخبز لازم يتطحن ويتعجن ويتحرق عشان يشبع القلوب.. زي ما لقمة العيش بتشبع البطون
 
7- الحكمة في الصمت: كثير الكلام مش بس قليل الفعل، بل والفهم أيضًا، طبيعي إن اللي بيتكلم كتير بيفكر أقل، ومن هنا سر مقولة: تسعة أعشار الحكمة في الصمت
 
8- العشق داء ودواء: تمامًا زي الحب العاطفي، اللي بيلئم الجرح ويشبع الفضول ويعوض الفقد ويونس الوحدة، أو زي ما بنقول مافيش حلاوة من غير نار
 
9- ليس الإيمان بالتمني وإنما ما وقر في القلب: قاعدة عامة للإيمان بأي فكرة، لازم تنبع من قلبك عشان تدفعك يوميًا لإتيان أفعال في سبيل تحقيقها أو التحقق من صدقها
 
10- انقش على قلبك بدلًا من الورق: في المشهد الوحيد بالفيلم اللي حميد قام فيه بدور الناصح لأقرب تلاميذه اللي اشتكاله من انقضاء سنين في تحصيل العلم والتدوين وراء المشايخ دون الوصول لأي نتيجة، كانت نصيحة الأب الخباز: سجل في قلبك، كرسالة مفادها إن الحياة رحلة أرحب من استيعابها بالورقة والقلم، وإن العلم مش دواء في كأس هيسقهولك شيخ أو معلم، ولكنه خلاصة تجربة ووسيلة للترقي

 
الفيلم إجمالا لطيف لأي شخص محب للصوفية أو عنده فضول لاستكشاف ملامح عالمها ولطائف أسرارها، نرشحه للمشاهدة
 
اقرأ أيضًا:

الخواجة عبد القادر .. عمل فني يرضى عنه الرب

اشترك بقناتنا على يوتيوب: من هنا

Facebook Comments

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى