ترينديمثبتة
أخر الأخبار

“أبوها كان أوبن مايند وبيسيبها ترجع بليل لوحدها وهذه الفنانة حاولت ضربها”.. تصريحات جريئة لكاملة أبو ذكري

من هي الفنانة التي تهجمت على كاملة أبو ذكري لتضربها؟

أدلت المخرجة كاملة أبو ذكري بعدة تصريحات، وذلك في لقائها مع الإعلامية منى الشاذلي في برنامج “معكم” المذاع على قناة “cbc”.

كما تحدثت عن عدة أسرار خاصة بحياتها المهنية والأسرية. 

قالت كاملة أبو ذكري أن والديها لم يفرقا في التعامل بينها وبين أخيها، بل كانت هناك مساواة في التعامل بينهما.

قالت: “أهلي مكانوش بيفرقوا في التعامل بيني وبين أخويا.. اللي كان بيعمل صح كنا بنقوله شكرا.. واللي بيغلط بيتعاقب.. سواء كان ولد أو بنت”.

تابعت: “أبويا عمره ما حسسني إني مواطنة درجة ثانية عشان أنا ست.. وهو اللي شجعني اشتغل مخرجة”.

النشأة والأب الكاتب الصحفي وجيه أبو ذكري

صرحت أنها كانت تحلم وهي صغيرة أن تكون مخرجة.

قالت: “كنت زمان بمضي على الورق واكتب المخرجة كاملة ابو ذكري”.

وأضافت: “في مرة كنت رايحة مع بابا وماما نتعشى على مركب.. وكان عاطف الطيب وأحمد زكي ومحمود عبد العزيز موجودين.. لقيت نفسي بجري على عاطف الطيب الأول وأسلم عليه.. مع إن أي طفلة في سني.. كان المفروض تجري على النجوم”.

قالت إن والدها علمها درسا مهما في حياتها، وهو ألا تخشى كلام الناس، طالما أنها لا تخالف ضميرها.

واستكملت: “كنت بشتغل مساعدة مخرج في البداية.. وبروح بليل متأخر.. وكل يوم أروح مع راجل شكل”.

تابعت: “محبتش نظرات الناس ليا وقتها.. وقولت لأبويا أنا هبطل الشغلانة دي.. لإن الناس بدأت تتكلم عليا”. 

رد عليها والدها وقال: “ما إنت ممكن تشتغلي دكتورة، أو مهندسة.. وترجعي متأخر وبرضو الناس هتتكلم.. اللي في الشارع دول ميهموكيش في حاجة”.

تابع: “طز في أي حد انت ميهمكيش حاجة.. والي يكلمك حطي صوابعك في عينيه”.

البداية مع عاطف الطيب

كما تحدثت كاملة أبو ذكري عن بدايتها، والعمل كمساعدة مخرج مع المخرج عاطف الطيب.

قالت: “مارست المهنة من قبل ما أدخل معهد السينما.. كان عندي وقتها ١٦ سنة”.

تابعت: “عرفت من الممثلة لمياء الجداوي.. اللي كانت معايا في المدرسة ودخلت معهد السينما.. إن أستاذ عاطف الطيب داخل يصور فيلم.. فطلبت منها عنوان المكتب”.

أضافت: “روحت المكتب وخبطت على الباب.. كانوا فاكريني عاوزة أمثل.. لكن أول ما شوفت استاذ عاطف الطيب جريت عليه وقولتله عاوزة اشتغل مساعدة مخرج مع حضرتك”.

اقرأ المزيد هشام مدكور.. فنان وسفير سابق اتهمته كاملة أبو ذكري باغتصاب المشردات

وافق “الطيب” وقالت إنها كانت سعيدة الحظ لأنها عملت كمساعدة مخرج معه، واستفادت كثيرا من التعامل معه.

وأضافت: “محظوظة أوي إني شوفت الراجل دة واتعلمت منه.. كان لما ممثل ميكونش بيمثل كويس يروح لغاية عنده يوشوشه في ودنه.. وفجأة بعدها يمثل كويس”.

واستكملت: “في مرة سألته حضرتك بتقول للممثلين ايه؟ .. رد وقالي طول ما انت مصدقة الي بتعمليه هتعرفي تنقليه للي قدامك”.

أضافت: “علشان كدة أنا اتعلمت منه إزاي أوجه الممثل.. حتى لو دوره صغير”. 

فيلم سنة أولى نصب.. الانطلاقة الحقيقية

كما تحدثت عن بدايتها الفنية وأول فيلم قامت بإخراجه، وهو فيلم “سنة أولى نصب”.

قالت: “مكنتش عاوزة “سنة أولى نصب” يكون أول فيلم ليا.. وكنت بحلم وقتها أخرج فيلم “ملك وكتابة”.. لكني عرضته على منتجين كتير ورفضوه”.

تابعت: “لما جالي سيناريو فيلم “سنة أولى نصب” بعته للمخرج محمد خان علشان أعرف رأيه”.

أضافت: “اتفاجئت إن الفيلم عجبه وشجعني إني أخرجه.. وقالي هو دة الفيلم الي هيخلي المنتجين يثقوا فيكي وينتجوا فيلم “ملك وكتابة “.

وأكدت: “اتفاجئت من نجاح الفيلم.. ولما اتعرض الأطفال حبوه جدا.. والفيلم دة كان وش السعد عليا”.

فيلم ملك وكتابة

وعن فيلم “ملك وكتابة” قالت: “كنت مرعوبة من محمود حميدة لإني كنت بالنسباله وقتها عيلة صغيرة.. وكل فريق العمل في الفيلم كانوا شباب .. كان في الأول متوتر ومش فاهمنا.. لكن بعد كدة ابتدى يطمن”.

أضافت: “الفيلم دة هو الأقرب لقلبي.. وشخصية هند صبري في الفيلم شبهي أيام ما كنت في المعهد”. 

كاملة أبو ذكري والفنانة انتصار: حاولت تضربني

تحدثت كاملة أبو ذكرى عن المشاكل التي تعرضت لها عندما كانت تعمل مخرجة، وقالت إن ممثلة كانت تريد أن تعتدي عليها بالضرب عندما سألتها عن سبب تأخيرها على التصوير.

قالت: “كان في ممثلة كنت كويسة معاها جدا .. لكني عاتبتها على تأخيرها.. وكانت هتتهجم عليا وتضربني”.

استكملت: “كل اللوكيشن كان عايزها تمشي.. ومحدش كان عاوز يتعامل معاها.. لكن اضطرينا نكمل معاها علشان مصلحة العمل”.

أضافت: “قررت أتعامل معها على إنها الشخصية.. وجيت على كرامتي علشان العمل.. لكن بعدها رفضت اتعامل معاها تاني”. 

الممثلة كانت الفنانة انتصار في مسلسل “ذات”

لماذا تركت كاملة أبو ذكري مسلسل “زي الشمس”؟

وعن سر ترك العمل في مسلسل “زي الشمس” بعد تصوير عشر حلقات، قالت: “كنت حضرت كل حاجة والملابس وأماكن التصوير.. لكن بعدها حسيت إني لازم اعتذر علشان مش عايزة أهزق نفسي”. أضافت: “وجودي بدأ يضايق ناس .. وكان في تهديدات إني لو مسمعتش الكلام مش هشتغل تاني”.

كما ردت عن سر نشرها للبوست المثير للجدل عن أبطال مسلسل “١٠٠ وش”.

قالت: “اضايقت من نفسي إني كتبت البوست ده.. وعملت كدة لأني كنت خايفة عليهم”.

تابعت: “زعلت من نفسي لأني حسيت إني كان لازم أكلم اللي زعلانة منه في التليفون وألومه.. بدل ما أكتب على الفيس بوك”. 

Facebook Comments

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى