ستوريمثبتة

محمد سعد: هنيدي ملك الأقزام وخايف أقدم عمل ديني الناس تضحك| فيديو

محمد سعد يؤكد: عمري ما كررت نفسي ولا كررت إفيه

أدلى النجم محمد سعد في لقاء له بعدة تصريحات عن نشاطه الفني ومشاريعه القادمة، وأعرب عن فخره بشخصية اللمبي، قائلا إنها شخصية صاحبة فضل على كل ما جناه في حياته من نجاح وإنه لا يمل من تقديمها وأن الفكرة هي التي تحكمه.

تصريحات عديدة أدلى بها محمد سعد.

إليكم أبرز التصريحات:-

محمد سعد

محمد سعد: شخصية اللمبي علمت مع الناس زي الشاويش عطية

صرح محمد سعد أنه سعيد أن الجمهور مازال يتذكره بشخصية اللمبي، لأن هذا يعني أن الشخصية أثرت في الناس.

قال: “حاجة حلوة إن الجمهور يبندهلي باسم اللمبي لحد دلوقتي علشان دة معناه إن الشخصية رشقت معاهم في القلب”.

تابع: “شخصية اللمبي نجحت زي شخصية الشاويش عطية الي عملها رياض القصبجي.. وفضل طول عمره الناس بتندهله بالشاويش عطية”.

اقرأ المزيد: عبد الفتاح القصري.. فنان معذب في الأرض خانته زوجته مع ابنه

لا يمل الجمهور من شخصية اللمبي لو عُرضت مليون مرة

قال محمد سعد إنه مستعد تقديم شخصية اللمبي في أعمال مرة أخرى بشرط أن تكون الفكرة مختلفة.

كما أنه يتمنى تقديم الشخصية مع أول مخرج عرف الناس عليها، وهو المخرج شريف عرفة.

قال: “لو اللمبي اتعمل دلوقتي تاني بفكرة مختلفة هينجح لأن الناس عمرها ما تزهق من العمل الكويس.. ومثال على دة إسماعيل ياسين كرر نفسه كتير لكن مقدرناش نزهق منه”.

تابع: “ناس كتير انتقدتني لما عملت اللمبي 8 جيجا ومسلسل فيفا أطاطا لكن الأعمال دي نجحت جدًا لأني قدمت شخصية اللمبي بطريقة مختلفة”.

أضاف: “أتمنى إني لو هعمل شخصية اللمبي تاني يكون مع المخرج شريف عرفة لأنه هو أول مخرج عرف الناس على الشخصية وهيكون له وجهة نظر مختلفة لما يقدمها تاني”.

محمد هنيدي هو ملك الأقزام والكبير بتاع جيلنا  

أكد أن محمد هنيدي هو أفضل ممثل يمكنه أن يلعب شخصيات مختلفة، لهذا ينافسه بشدة على مواقع التواصل الإجتماعي.

قال: “هنيدي هو الي فتح المجال للجيل الجديد وهو الكبير بتاع الجيل الجديد وخلانا نحس إن في فرصة الوجوه الجديدة تاخد دور بطولة بعد صعيدي في الجامعة الأمريكية”.

أضاف: “هنيدي أشطر واحد يلعب الكاريكتار علشان كدة في شبه بيني وبينه في الحتة دي”.

تابع: “الإعلانات بتاعة هنيدي ناجحة بسبب الشخصيات المختلفة الي بيلعبها وبقى ملك الأقزام دلوقتي”.

اقرأ المزيد: أحمد آدم: انتهى زمن عادل إمام.. وهنيدي كان دايما بيسرق أفكاري

محمد سعد: أنا عملت رصيد فني أصيل الجمهور مش هينساه

وضح “سعد” أنه يمتلك تاريخ من الكوميديا أثر في الناس، كما أن كل أبناء جيله يمتلكون رصيد أثر في الناس بشكل كبير لهذا يقبل عليهم المنتجين.

قال: “أعمالي بتتباع برة بأسعار عالية علشان عملت كوميديا أثرت في الناس بشكل كبير”

أضاف: “الي بسمعه من المنتجين إن أنا وزمايلي الأسعار بتاعتنا في الخارج عالية لأننا دايسين ومعلمين مع الناس من زمان ولنا تاريخ”.

تابع: “الرصيد المؤثر في الناس ومبيخلصش لازم يكون رصيد أصيل مش مزيف لأن الرصيد المزيف بيعمل فرقعة كبيرة وقتها لكن بعد كدة بيبقى تقيل على قلب الجمهور”.

محمد سعد اللمبي
محمد سعد اللمبي

محمد سعد: محدش يقدر ينافسني وعمري ما كررت إفيه 

تحدث محمد سعد عن فكرة المنافسة بين الممثلين، وعن تأثير ظهور جيل جديد في الكوميديا عليه.

قال: “أنا مش مع فكرة المنافسة بين الممثلين علشان كل ممثل لونه وأسلوبه المختلف”.

تابع: “مهما ظهر ممثلين جدد هيبقى لوني وأدائي مؤثر في الناس أنا بنافس نفسي وبفضل أدور على أفيهات جديدة لأني لو كررت نفسي هبقى فضيت ومش هسمح إن ده يحصل”.

محمد سعد: خايف الناس تضحك عليا لو عملت عمل ديني

صرح محمد سعد أنه يريد تقديم عمل ديني لكنه يخشى أن يضحك الجمهور.

قال: “نفسي أقدم عمل ديني.. لكن خايف الجمهور يضحك.. بالرغم إنهم بيصدقوني”.

تابع: ” قبل الشهرة اختاروني أكون مؤذن في إفتتاح مسجد لكن حسيت إني اتخضيت شوية بس مبسوط بالتجربة دي واتمنى أكررها”.

اللمبي 8 جيجا
اللمبي 8 جيجا
Facebook Comments

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى