أفيش

الفن بطريقتنا

حسن شاكوش بيزعق في الغنا.. رأي عبد الباسط حمودة في مطربي المهرجانات

أبريل 26, 2020 8:35 م -- ستوري

في حديثه عن حسن شاكوش ومطربي المهرجانات خلال لقائه ببرنامج “شيخ” الحارة، في موسمه الجديد من تقديم المخرجة إيناس الدغيدي، قال عبد الباسط حمودة: ” أنا بحب هاني شاكر عشان محترم مش عشان رئيس النقابة، ولو أنا مكانه هتفاهم بالعقل”.

اقرأ أيضًا: كل هؤلاء تستضيفهم إيناس الدغيدي في “شيخ الحارة”

عبد الباسط حمودة: حسن شاكوش مذاكرني بس يبطل يزعق

وأضاف: “حمو بيكا غلط ومينفعش يتكلم كده على قيمة كبيرة زي هاني شاكر ويقول هو مغني ولا رئيس نقابة ولا بيعمل إيه، هاني شاكر مش غلطان، الألفاظ دي مينفعش تدخل البيوت وهو اللي وقفهم عند حدهم”.

وعن سؤاله عن حسن شاكوش : “ده مطرب ومذاكرني ومش بتاع مهرجانات بس لو يبطل يزعق وهو بيغني هيبقى كويس، عكس حمو بيكا اللي مينفعش يعمل غير مهرجانات”.

اقرأ أيضًا: حمو بيكا.. وبلاغة الأغنية الشعبية!

عبد الباسط حمودة: مش قادر أبطل غناء خلف الراقصات

وتابع: “محمد رمضان هو اللي شجعهم يعملوا مهرجانات، وبيأدي من غير ألفاظ خارجة، لكن هما انحرفوا، مبحبش أغني ورا راقصات بس أعمل إيه لو قولت كده لصاحب الفرح هيقولي أنا جايبك بفلوسي”.

اقرأ أيضًا:

اعلان قطونيل ميس حمدان .. أم مدحت شلبي؟

إيناس الدغيدي تستأنف مسيرني بسمة وهبة

 

تقدم المخرجة إيناس الدغيدي هذا العام برنامج “شيخ الحارة”، بدلا من الإعلامية بسمة وهبة، التي قدمت ثلاثة مواسم سابقة من البرنامج.

وتستأنف الدغيدي المسيرة خلال شهر رمضان، تستضيف فيها مجموعة من الفنانين، أبرزهم سهير رمزي، محي إسماعيل، صفية العمري، تامر هجرس، والمغني الشعبي حسن شاكوش، إدوارد، وشخصيات أخرى كالمنتج أحمد السبكي والمذيعة إنجي علي، وعصام الحضري.

Facebook Comments